கால மாற்றங்களில் உடலை பாதுகாக்கும் ஆயுர்வேத வீட்டுச் சிகிச்சைகள்

1. இஞ்சி – தேன் குடிநீர் (Ginger Honey Drink):-

சிறிய துண்டு இஞ்சி நசுக்கி வெந்நீரில் போட்டு 5 நிமிடம் கொதிக்கவிட்டு வடிகட்டி எடுக்கவும்.1 தேக்கரண்டி தேன் சேர்த்து குடித்தால் உடல் சூடு சீராகி, தொண்டை மற்றும் சளி பிரச்சினை குறையும்.

2. துளசி – இலவங்க இலைக் கஷாயம்:-

5–6 துளசி இலை + 1 இலவங்கம் + சிறிது மிளகு ,1 கப் நீரில் கொதிக்க வைக்கவும். அதில் ப்ராணதாரா (ஆயுர்வேத)சுட்டு மருந்து 2 சொட்டு சேர்த்து குடிக்கவும்.தினமும் ஒரு முறை குடித்தால் சளி, இருமல், ஜலதோஷம் வராமல் தடுக்கலாம்.

3. தங்க பால் (Golden milk):-

பால் 1 கப் + ¼ தேக்கரண்டி மஞ்சள் + சிறிதளவு மிளகுத்தூள்.

இரவு நேரத்தில் குடித்தால், நோய் எதிர்ப்பு சக்தி அதிகரிக்கும்.

4. வெந்தயம் நீர்:-

இரவில் ½ தேக்கரண்டி வெந்தயம் தண்ணீரில் ஊற வைத்து மறுநாள் காலை குடிக்கவும்.உடல் வெப்பத்தை சமன் செய்து , செரிமான சக்தியை மேம்படுத்தும்.

5. நெல்லிக்காய் (Amla):-

தினமும் அன்றாட உணவில் சிறிதளவு நெல்லிக்காய் உடலுக்கு சேர்ப்பது மிகவும் உத்தமம். நெல்லிக்காய் ரசம் அல்லது வேக வைத்த நெல்லிக்காய் அல்லது நெல்லிக்காய் சாறு தினமும் 1–2 தேக்கரண்டி உட்கொள்ளவும்.வாதம் பித்தம் கபம் தோஷங்களை சமநிலையில் வைத்திருக்கும் . அது மட்டும் இல்லாமல் வைட்டமின் C அதிகமுள்ளதால் , நோய் எதிர்ப்பு திறனை அதிகரிக்கிறது.

6. சுக்கு – மிளகு – திப்பிலி கஷாயம் (Trikatu Kashayam):-

சுக்கு ½ tsp + மிளகு ¼ tsp + திப்பிலி ¼ tsp .1 கப் நீரில் கொதிக்கவைத்து வடிகட்டி குடிக்கவும்.சளி, மூக்கடைப்பு, தொண்டை வலி, உடல் சோர்வு போன்றவற்றை குறைக்கிறது.

7. வாசனை நீராட்டம் (Steam Inhalation):-

நீராவியில் சிறிதளவு துளசி/ ஓமம் மற்றும் யூகலிப்டஸ் இலை சேர்த்து மூச்சில் வாங்கவும்.மூக்கடைப்பு, தலைவலி, சளி , சைனஸ் அனைத்தும் குறைக்கும்.

8. நஸ்யம் (Nasyam – எளிய வீட்டுச் செய்முறை):-

காலை/மாலை 2 சொட்டு எள் எண்ணெய் (நல்லெண்ணெயை) 2 மூக்கிலும் விடவும்.சைனஸ், மூக்கடைப்பு, பருவமாற்ற அலர்ஜிகள் குறையும்.

9. ராஸ்நாதி சூரணம்

தினமும் உச்சந்தலையில் தடவி வந்தால், தலையில் நீர் சேர்வதால் உண்டாகும் தலைபாரம், தலைவலி ,ஒற்றைத் தலைவலி போன்ற வலிகள் இருந்து படிப்படியாக நிவாரணம் கிடைக்கும்.

10. கண்டூஷம் (Oil Pulling):-

காலையில் 5–10 நிமிடம் நல்லெண்ணெயை வைத்து கொப்பளிக்கலாம்.வாய்நோய், தொண்டை தொற்று, உடல் நச்சு நீக்கம் ஆகியவற்றுக்கு உதவும்.

11. சிறிதளவு சீரகம், ஓமம், சுக்கு , பதிமுகம் இவைகளை நீரில் கொதிக்க வைத்து தினமும் பருகி வந்தால் , உடலில் உஷ்ணம் மற்றும் செரிமானத்துக்கு மிகுந்த அளவில் உதவும். அதுமட்டுமின்றி வாத பித்த கப தோஷங்களை சமநிலையில் வைத்திருக்கும்.

12. பாத பர்க்க்ஷாலனம் -கால் நீரில் நனைத்தல் (Foot Soak):-

வெதுவெதுப்பான நீரில் சிறிது கல் உப்பு + மஞ்சத்தூள் சேர்த்து கால்களை 15 நிமிடம் காலை அல்லது மாலை ஒரு முறை வைக்கவும்.தூக்கமின்மை ,உடல் சோர்வு, சீதோஷ்ணத்தை குறையும்.

13. சமயோசிதமான உணவு (Seasonal Diet):-

குளிர் காலம்: சூடான, இலகுவான, கபத்தை குறைக்கும் உணவுகள்

(சாமை, கம்பு, காய்கறிசூப், இஞ்சி, பூண்டு, த்ருதி மல்டிகிரைன் நியூட்ரி மக்ஸ்)

வெப்பகாலம்: குளிர்ச்சியூட்டும் உணவுகள்

(மோர், தர்பூசணி, நெல்லிக்காய், வெள்ளரிக்காய்,த்ருதி மல்டிகிரைன் நியூட்ரி மக்ஸ்) எடுத்துக்கொள்ளலாம்.

மழைக்காலம்: ஜீரணத்தை மேம்படுத்தும் உணவுகள்

(சீரகம், இஞ்சி) எடுத்துக்கொள்ளலாம்,

குளிர்ந்த உணவுகளை தவிர்க்கவும்.

இந்த முறைகள் எதற்காக?

சளி, இருமல், காய்ச்சல் வருமுன் பாதுகாக்க.

உடல் மற்றும் மனச்சோர்வை குறைக்க.

ஜீரண கோளாறை சரி செய்ய.

நோய் எதிர்ப்பு சக்தியை அதிகரிக்க.

காலநிலை மாற்றத்தால் வரும் அலர்ஜியை தவிர்க்க.

பாரம்பரிய வழிகளை பின்பற்றுவோம் உடல் நலனை பாதுகாப்போம் .

Dr. கார்த்திக் இராமநாதன்.