சென்ற வெள்ளிக்கிழமை...

முதலில் ஒரு பிரமாண்டமான விழாவாகத்தான் திட்டமிடப்பட்டிருந்தது இந்தத் திருமணம்.

நடந்தது இது தான்.

திருமண நாளன்று அதிகாலை 3 மணியளவில் மணமகள் ஆவணி, ஆலப்புழாவின் குமரகோமில் அலங்காரத்திற்காக தண்ணீர்முக்கோம் அருகே உள்ள ஒரு அழகு நிலையத்திற்கு சென்றிருக்கிறார். அங்கிருந்து அவர் தனது குடும்பத்தினருடன் அழகாகத் திரும்பி வந்து கொண்டிருந்தபோது, ​​ அவர் பயணம் செய்த கட்டுப்பாட்டை இழந்து ஒரு மரத்தில் மோதியதில் அவருக்கு முதுகுத்தண்டில் காயம் மற்றும் காலில் எலும்பு முறிவு ஏற்பட்டது.

முதலில் அவர் கோட்டயம் மருத்துவக் கல்லூரிக்கு கொண்டு செல்லப்பட்டு, பின்னர் கொச்சியில் உள்ள வி.பி.எஸ். லேக்ஷோர் என்ற ஒரு தனியார் மருத்துவமனைக்கு மாற்றப்பட்டார்.

முகுர்த்த நேரம் நெருங்கிக்கிகொண்டிருந்தது.

திருமணம் மதியம் ஆலப்புழாவில் உள்ள சக்தி ஆடிட்டோரியத்தில் சுப முகூர்த்தம் மதியம் 12.12 மணி முதல் 12.25 மணி வரை

அலங்கரிக்கப்பட்ட ஆடிட்டோரியத்தில் அல்ல மருத்துவமனை அறையிலேயே கல கலவென அந்த வெள்ளிக்கிழமையன்றே தங்கள் திருமணத்தை நடத்திவிட்டனர்.

ஒரு அசாதாரண முடிவில், திருமணத்தை ஒத்திவைக்க வேண்டாம் என்று இரு குடும்பத்தினரும் முடிவு செய்தனர். .

மருத்துவமனை அதிகாரிகள், நரம்பியல் அறுவை சிகிச்சை குழுவுடன் கலந்தாலோசித்த பிறகு, அவசர சிகிச்சைப் பிரிவுக்குள் விழாவை நடத்த ஏற்பாடு செய்தனர்.

மதியம் 12.15 மணி முதல் 12.30 மணி வரை....

மருத்துவர்கள், செவிலியர்கள் மற்றும் நெருங்கிய உறவினர்கள் முன்னிலையில், ஆவணி ஸ்ட்ரெச்சரில் படுத்திருக்கும் போது தும்பொலியைச் சேர்ந்த மணமகன் ஷரோன், ஆவணிக்குத் தாலி கட்டி, திருமணம் செய்து கொண்டார். நோயாளி பராமரிப்புக்கு இடையூறு இல்லாமல் சுருக்கமான விழா நிறைவடைந்தது.

ஆடிட்டோரியத்தில் ஏற்கனவே கூடியிருந்த உறவினர்கள் மற்றும் விருந்தினர்கள் திட்டமிட்ட விருந்தைத் தொடர்ந்தனர்,

ஆவணிக்கு முதுகுத்தண்டில் கடுமையான காயம் ஏற்பட்டுள்ளதாகவும், விரைவில் அறுவை சிகிச்சை செய்யப்படும் என்றும் நரம்பியல் அறுவை சிகிச்சைத் துறைத் தலைவர் டாக்டர் சுதீஷ் கருணாகரன் தெரிவித்தார். மணமகன் ஷரோன் ஆலப்புழாவில் உள்ள ஒரு பொறியியல் கல்லூரியில் உதவிப் பேராசிரியராகப் பணிபுரிகிறார்.