செங்கோட்டையனை கட்சியை விட்டு எடப்பாடி நீக்கிய பிறகு கொஞ்சம் பேர் அவர் பின்னால் போனார்கள். பாரதிய ஜனதா இது உட்கட்சி விஷயம் என்று செங்கோட்டையனை கண்டு கொள்ளவில்லை. செங்கோட்டையன் தொகுதியான கோபியில் முப்பதாம் தேதி பொதுக்கூட்டம் நடத்துகிறார் எடப்பாடி. செங்கோட்டையனை பொறுத்தவரை அவருக்கு ஈரோடு மற்றும் கோபியில் செல்வாக்கு இருக்கிறது. ஓ பி எஸ், டிடிவி தினகரன் செல்வாக்கு எல்லாம் வரும் செல்லாக்காசு என்பதை கொஞ்சம் காலதாமதமாக தெரிந்து கொண்ட செங்கோட்டையன் தற்சமயம் தமிழக வெற்றி கழகத்திடம் பேச்சுவார்த்தை நடத்துகிறார்.அவரது ஒரே ஒரு நிபந்தனை தனது சீனியாரிட்டிக்கு ஏற்ப கட்சியில் விஜய்க்கு அடுத்து நான் தான் என்ற முக்கியத்துவம் தர வேண்டும் என்பதுதான்.

ராஜினாமா கடிதம் கொடுக்க வந்த செங்கோட்டையனை சபாநாயகர் அறையில் சேகர் பாபு சந்தித்து பேசினார். அதற்கு முன்பே காலையில் சேகர் பாபு செங்கோட்டையன் வீட்டுக்குச் சென்று திமுகவுக்கு வாருங்கள் நாம் எல்லோரும் ஏற்கனவே ஒண்ணா இருந்தவர்கள் தான் இங்கு நீங்கள் எதிர்பார்த்த மரியாதையும் பதவியும் கிடைக்கும் என்று சொன்னார். எனக்கு இது ஒத்துவராது என்னை வற்புறுத்தாதீர்கள் என்று தெளிவாக சேகர் பாபு விடம் சொல்லிவிட்டார் செங்கோட்டையன். ராஜினாமா செய்த கையோடு விஜயை சந்திக்க திட்டமிட்டு செங்கோட்டையன். மாலை நான் அழைக்கிறேன் அதன்பிறகு வாருங்கள் என்று விஜய் நிகழ்ச்சி நிரலை மாற்றினார் .எது எப்படியோ எம்ஜிஆர் காலத்தை சேர்ந்த அனுபவம் வாய்ந்த ஒரு மூத்த தலைவர் விஜய்க்கு தற்சமயம் கிடைத்திருக்கிறார் தவிர செங்கோட்டையன் எம்ஜிஆர் ஜெயலலிதா சுற்றுப்பயணங்கள் வடிவமைத்த அனுபவம் விஜய்க்கு நிச்சயம் பயன்படும்

அடுத்து …வெயிட் அண்ட் சீ.