ஒரு நாள் திமுக நல்லாட்சி என்கிறார்.

இன்னொரு நாள் ராஜ்யசபா தராமல் எடப்பாடி எனக்கு துரோகம் செய்துவிட்டார் என்றார்.

இன்னொரு நாள் நான் அப்படியெல்லாம் சொல்லவே இல்லையே என்றார்.

அடுத்த ஆட்சி கூட்டணி ஆட்சி தான் தேமுதிக பங்கேற்கும் என்றார்.

இப்படி நிறைய கருத்து கதிர்வேலன் அளவுக்கு அவர் பேசிக் கொண்டிருந்தாலும் அதிமுக திமுக இரண்டு கட்சியிடமும் பேச்சுவார்த்தை நடத்திக் கொண்டுதான் இருக்கிறார்.

பிரேம்லதா கூட்டணி விஷயத்தில் சொதப்பிக் கொண்டுதான் இருக்கிறார்.

திமுகவில் ஏவா வேலுடன் தொடர்ந்து பேச்சு வார்த்தை.

அதிமுகவில் சட்டமன்ற எதிர்க்கட்சித் துணைத் தலைவர் உதயகுமாருடன் பேசுகிறார்.

பிரேம்லதா கோரிக்கை 15 தொகுதிகள், இரண்டு ராஜ்ய சபா இடம் தொகுதிக்கு 20 கோடி ரூபாய் என்று தேர்தல் செலவுக்கு பணம் என்பதுதான்.

திமுக அமைச்சர் ஏவா வேலு 15 தொகுதிகள் எல்லாம் தரமாட்டார்கள் ஏழு முதல் எட்டு தொகுதிக்கு நான் உத்திரவாதம்.

ராஜ்யசபா வாய்ப்பு நிச்சயம் கிடைக்காது.

தேர்தல் செலவு பொறுத்த வரை அந்தந்த மாவட்டத்தில் எங்க கட்சி பொறுப்பாளர்கள் பார்த்துக் கொள்வார்கள்.

உங்களிடம் எல்லாம் பணம் தர மாட்டார்கள்.

நீங்கள் தேர்தல் பிரச்சாரம் செய்ய கை செலவுக்கு நான் பணம் தருகிறேன். அவ்வளவுதான் முடியும்.

நீங்கள் அதிமுகவுடன் பேசிக் கொண்டிருக்கிறீர்கள்.

விஜய் கட்சியுடன் கூட்டணி அமைக்க முயற்சித்தீர்கள் போன்ற விஷயம் எல்லாம் தளபதிக்கு நன்றாகவே தெரியும். உங்கள் செல்வாக்கு என்னவோ அதற்கு ஏற்றபடி ஆசைப்படுங்கள் என்று திமுக அமைச்சர் தெளிவாக சொல்லிவிட்டார்.

அதிமுக முன்னாள் அமைச்சர் உதயகுமாரிடமும் இதே கோரிக்கையை பிரேமலதா வைத்தார். நீங்கள் அங்கு இங்கு என்று அலைந்து கொண்டிருப்பதால் அண்ணன் பொதுச் செயலாளர் உங்களை கண்டுகொள்ளவே வேண்டாம் என்று சொல்லிவிட்டார். நான் தான் உங்களுக்கு இருக்கும் கொஞ்சம் ஓட்டுக்கள் பயன்படும் என்று கொஞ்சம் சரி செய்து வைத்திருக்கிறேன்.

ராஜ்யசபா எம்பி எல்லாம் தரமாட்டார்.

அதிமுகவின் ராஜ்ய சுபா எண்ணிக்கை கூடுதல் என்பது டெல்லியில் எங்களுக்கு அவசியம்.

தேர்தல் செலவு பொறுத்த வரை உங்கள் வேட்பாளருக்கு கட்சி செலவு செய்யும்.

முன்பு மாதிரி சூட் கேஸ் எல்லாம் தரமாட்டார்கள்.

15 தொகுதிகளுக்கு எல்லாம் வாய்ப்பில்லை. ஆறு முதல் ஏழு என்றால் சொல்லுங்கள் பேசலாம் என்று தெளிவுபட சொல்லிவிட்டார்.

பாஜகவை பொருத்தவரை நமக்கு தொகுதி பங்கில் பேசுவதற்கே ரொம்பவும் மல்லு கட்ட வேண்டும்.

உங்களுக்காக எல்லாம் நான் பேச முடியாது என்று நயினார் நாகேந்திரன் அக்காவிடம் தெளிவாக சொல்லிவிட்டார்.

இப்போதைக்கு நாம் தப்பு கணக்கு போட்டு விட்டோமோ நொந்து போயிருக்கிறார் அக்கா பிரேமலதா.

திரிசங்கு சொர்ககத்தில் நிற்கிறார் பிரேமலதா!