முன்பெல்லாம் ஆண்டு முழுவதும் பல விழாக்கள். பட வெளியீடுகள் என தமிழ் திரைப்படம் திருவிழா காலம் பூண்டிருக்கும்.

ரசிகர்கள் ஆட்டம் பாட்டம் கொண்டாட்டம் என உற்சாகமாக வளம் வருவார்கள். அபிமான நாயகர்களின் பதாகைகளுக்கு பால் அபிஷேகம் செய்வது,,

ஊரெங்கும் உள்ள சுவர்களில் படச் சுவரொட்டிகளை ஒட்டி வரவேற்பு அளிப்பது என்று ஒவ்வொரு நிகழ்வும் பெரும் கொண்டாட்டமாக அமையும்.

இன்று அத்தகைய நிகழ்வுகளின் எண்ணிக்கையும் ரசிகர்களின் உற்சாகமும் குறைந்த விட்டது.

பெரும்பாலான படங்கள் எதிர்பார்த்த அளவு வெற்றி காண்பதில்லை.

தயாரிப்பாளர்களுக்கு லாபம் கிடைக்கவில்லை கடந்த 10 ஆண்டுகளில் தமிழ்த் திரையுலகில் 2500-க்கும் மேற்பட்ட புது தயாரிப்பாளர்கள் படம் தயாரிக்க வந்துள்ளனர். அதில் 2000-க்கும் மேற்பட்டவர்கள் முதல் படத்துடன் படத் தயாரிப்பை நிறுத்திவிட்டனர்.

அவர்களின் பெரும்பாலானோர் பெரும் நஷ்டம் காரணமாக பொருளியல் நெருக்கடியை எதிர்கொண்டுள்ளனர் என்று அண்மையில் நடைபெற்ற ஒரு நிகழ்ச்சியில் பேசும்போது குறிப்பிட்டார் இயக்குனர் செல்வமணி.

நடப்பாண்டிலும் ஏராளமான திரைப்படங்கள் உருவாக்கியுள்ளன. இந்த ஆண்டு முடிவதற்கு இன்னும் ஏறக் குறைய ஏழு வாரங்கள் உள்ளன. இதுவரை 222 படங்கள் வெளியாகி உள்ள நிலையில் ஆண்டு இறுதிக்குள் மேலும் 50 படங்கள் வெளியாகும் என எதிர்பார்க்கப்படுகிறது.

ஒருவேளை இந்த எண்ணிக்கை சாத்தியமானால் தமிழ் சினிமா வரலாற்றில் ஒரே ஆண்டில் அதிக எண்ணிக்கையிலான படங்கள் திரை கண்ட ஆண்டு என்ற சாதனை படைக்கும்.

இந்த ஆண்டு நன்கு வசூல் கண்ட சில படங்கள் கூட தயாரிப்பாளர்களுக்கு லாபம் தருவதாக அமையவில்லை பெரிதும் எதிர்பார்க்கப்பட்ட படங்கள் கூட தோல்வியைத் தழுவின.

இதுவரை வெளியான படங்களில் 12 மட்டுமே லாபகரமாக இருந்ததாக பட விநியோகிஸ்தர்கள் தயாரிப்பில் கூறப்படுகிறது. அப்படியானால் வெற்றி விகிதம் என்பது 5 விழுக்காடு மட்டுமே.

இதற்கு முன்பு இவ்வளவு மோசமான நிலை ஏற்பட்டதில்லை. எனவேதான் தங்களை வளர்த்து ஆளாக்கிய தயாரிப்பாளர்கள் சிரமத்தில் இருந்தால் அவர்களால் வளர்க்கப்பட்ட கதாநாயகர்கள் பண உதவி செய்ய வேண்டும் என்ற கோரிக்கை எழுந்துள்ளது என்றார்கள் கோடம்பாக்கத்து விவரப் புள்ளிகள்.

இந்த ஆண்டு குறைந்த அளவே வசூல் கண்டாலும் தயாரிப்பு தரப்புக்கு லாபம் கொடுத்த படங்கள் உள்ளன அத்தகைய படங்கள் குறித்து ஒரு அலசல் இது.

“ டிராகன்”

அஸ்வத் மாரிமுத்து இயக்கத்தில் பிரதீப் ரங்கராஜன் நடித்த இந்த படத்தில் மொத்த பட்ஜெட் ரூபாய் 35 கோடி என்று கூறப்பட்டது ஆனால் படத்தின் வசூல் ரூபாய் 150 கோடி தயாரிப்பாளர் நிகர லாபமாக ரூபாய் 100 கோடி கிடைத்ததாகத் தகவல்.

“ டூரிஸ்ட் ஃபேமிலி “

அபிஷன் ஜீவிந்த் இயக்கத்தில் ஷான் ரோல்டன் இசை அமைப்பில் சசிகுமார் சிம்ரன் நடிப்பில் உருவான படம் இது. விமர்சன ரீதியிலும் வசூல் அளவிலும் பெரும் வரவேற்பை பெற்ற படம். இந்த வெற்றியை இப்படக்குழுவினர் கூட சற்று எதிர்பார்க்கவில்லை செயற்கைக்கோள் உரிமை, ஓடிடி உரிமை ஆகியவற்றை படம் வெளியிடுவதற்கு முன்பே அதன் தரத்தை உணர்ந்து பல்வேறு தரப்பினரும் போட்டி போட்டு வாங்கினர்.

“ மதகஜராஜா “

12 ஆண்டுகளுக்கு முன்பு சுந்தர். சி இயக்கத்தில் உருவான படம். பல்வேறு சிக்கல்களால் அப்போது படைத்து வெளியிட முடியவில்லை இந்நிலையில் சிக்கல்களுக்கு தீர்வு காணப்பட்டு இந்த ஆண்டு ஜனவரி 12-ஆம் தேதி படத்தை வெளியிட்டனர். ரூபாய் 15 கோடி பட்ஜெட்டில் உருவான படம். ரூபாய் 60 கோடிக்கு மேல் வசூல் கண்டு அசத்தியது இன்னும் ஓடிடியில் வெளியாகவில்லை.

“ குட் பேட் அக்லி “

ஆதிக் ரவிச்சந்திரன் இயக்கத்தில் ஜிவி பிரகாஷ் இசையில் அஜித் திரிஷா நடிப்பில் வெளியான படம். ஏப்ரல் பத்தாம் தேதி வெளியான இப்படத்திற்கு அஜித் ரசிகர்கள் மத்தியில் பலத்த வரவேற்பு கிடைத்தது. படத்தின் மொத்த பட்ஜெட் ரூபாய் 250 கோடி. தமிழகத்தில் மட்டும் ரூபாய் 100 கோடியை வசூலித்து லாபம் கொடுத்தாக தகவல். அதே சமயம் பிற மாநிலங்களிலும் வெளிநாடுகளிலும் எதிர்பார்த்த வசூல் கிடைக்காததால் ஒட்டு மொத்தத்தில் தயாரிப்பு தரப்புக்கு நஷ்டம் என்று ஒரு தகவல் பரவியது. எனினும் பின்னர் இது பொய் தகவல் என்று தயாரிப்பு தரப்பு விளக்கம் அளித்ததுடன் படம் குறைந்தபட்சம் லாபத்தை அளித்ததாக அறிவித்தது.

“தலைவன் தலைவி”

இது விஜய் சேதுபதி நித்யா மேனன் இணைந்து நடித்த படம் சந்தோஷ் நாராயணன் இசையமைத்திருந்தார். கடந்த ஜூலை 25ஆம் தேதி வெளியான இப்படத்தின் மொத்த பட்ஜெட் ரூபாய் 30 கோடி. ஆனால், வசூல் ரூபாய் 100 கோடியை தாண்டி விட்டதாக தயாரிப்பு நிறுவனமே அதிகாரப்பூர்வமாக அறிவித்தது. இப்படத்தின் செயற்கைக்கோள் ஓடிடி வெளியீடு உரிமங்களும் நல்ல தொகைக்கு விற்க பட்டதாக தகவல்.

மற்ற படங்கள்

ராஜேஷ்வர் காளிசாமி இயக்கத்தில் வைசாக் இசையமைப்பில் மணிகண்டன் சான்வெ மேக்னா குரு சோமசுந்தரம் மற்றும் பல நடிப்பில் ஜனவரி 24ஆம் தேதி வெளியான படம் குடும்பஸ்தன் ரூபாய் 10 கோடி பட்ஜெட்டில் உருவான படம். ரூபாய் 40 கோடிக்கு அதிகமாகவசூலித்தது.

பிரசாந்த் பாண்டியராஜ் இயக்கத்தில், ஹோஷ்ம் அப்துல் வபாக் இசையமைப்பில் சூரி ராஜ்கிரன் ஐஸ்வர்யா லட்சுமி சுவாதிகா நடிப்பில் மே 16-ஆம் தேதி வெளியான படம் மாமன். ரூபாய் 15 கோடி செலவில் தயாரான இப்படம் 40 கோடி வசூலித்தது.

லோகேஷ் கனகராஜ் இயக்கத்தில் அனிருத் திசையில் ரஜினிகாந்த் நாகார்ஜுனா சுருதி ஹாசன் நடிப்பில் ரூபாய் 400 கோடி செலவில் உருவான படம் கூலி. ஆயிரம் கோடி ரூபாய் வசூலுக்கும் என எதிர்பார்க்கப்பட்ட நிலையில் ரூபாய் 600 கோடி வசூல் கண்டது.

சிவகார்த்திகேயன் நடித்த மதராஸி படம் 100 கோடி ரூபாய் வசூல் கண்டதாக அறிவிக்கப்பட்டது எனினும் படத்தின் மொத்த செலவு ரூபாய் 150 கோடி கடந்து விட்டது. என்பதால் தயாரிப்பு தரப்புக்கு பெரிய லாபம் இல்லை எனக் கூறப்பட்டது.

மாரி செல்வராஜ இயக்கத்தில் துருவ் விக்ரம் நடித்த “ பைசன்” படம் ரூபாய் 15 கோடியில் தயாரிக்கப்பட்டது ரூபாய் 40 கோடி வசூல் கண்டு சாதித்தது.

பிரதாப் நாகராஜன் நடித்த டியூட் படம் ரூபாய் 35 கோடியில் உருவாகி ரூபாய் 125 கோடி வசூல் கண்டதாகக் கூறப்படுகிறது. காந்தாரா சாப்டர்-! கன்னடப் படம் உலகம் முழுவதும் ரூபாய் 800 கோடி வசூல் கண்ட நிலையில் தமிழ் பதிப்பு ரூபாய் 60 கோடி வசூல் செய்துள்ளதாகக் கூறப்படுகிறது.