வாங் ஃபுக் கோர்ட் என்ற கட்டிடத்தில் லேசாக பிடிக்கத் துவங்கிய தீ திகு திகு என்று பற்றியெரிந்து 124 பேரின் உயிரை காவு வாங்கி விட்டது.

27ந்தேதி நவம்பர் மாலை நிலவரப்படி 250க்கும் மேற்பட்டவர்கள் காணாமல் போயிருக்கிறார்கள். ஏனெனில் கட்டிடத்திற்குள் செல்ல முடியாத படி வெப்பம்.

ஒரு தீயணைப்பு வீரரும் இறந்து போயிருக்கிறார்.

இதற்கு முன் ஹாங்காங்கில் இத்தனை கோர தீ விபத்து நடந்ததில்லை.

1962ல் ஒரு முறை, 1996ல் ஒரு முறை நடந்திருக்கிறது. இரண்டு தடவையும் 40 பேருக்கு மேல் இறந்திருக்கிறார்கள்.

இந்த தீவிபத்தில் இந்த எண்ணிக்கை கூடும் என்று அச்சப்படுகிறார்கள்.

காணாமல் போனவர்கள் கதி என்ன என்று தீயணைந்த பின் தான் தெரியும்.

இது அரசு குடியிருப்பு என்பதால் வெளிநாட்டினர் இந்தியர்கள் உட்பட இருக்க வாய்ப்பு குறைவு. ஆனால் இருக்கவே வாய்ப்பில்லை என்று சொல்வதற்கில்லை.

இந்திய தூதரகம் இது குறித்து ஏதேனும் தகவல் தெரிந்தால் தெரிவிக்க அறிவிப்பு வெளியிட்டிருக்கிறது.

நாங்கள் நேரில் சென்று பார்த்த வரையில் அந்த பகுதியில் சுமார் இரண்டு கி.லோ மீட்டர் சுற்றளவில் நெருப்பின் வாசம், சாம்பல் வாசம் இன்னமும் காற்றில் கலந்திருக்கிறது.

கொடுந்துயரின் சோகம் அதை விட காற்றிலும், அனைத்து நெஞ்சங்களிலும் உறைந்திருக்கிறது.

ஒரு நாள் கடந்து 30வது மாடியில் தீ இன்னமும் எரிந்து கொண்டிருப்பது கொடுமை.....

விரைவில் தீ அணைக்கப்பட்டு எப்படியாவது காணாமல் போனவர்களை உயிருடன் மீட்டு விட மாட்டோமா என்று ஹாங்காங் மக்கள் நம்பிக்கையோடு காத்திருக்கினறனர்......