ஆசிய விளையாட்டுப் போட்டிகள் முடிவடைந்த நிலையில், இந்தியா மொத்தம் 85 பதக்கங்கள் வென்று தரவரிசைப் பட்டியலில் நான்காவது இடத்தைப் பிடித்துள்ளது. சீனா, ஜப்பான் மற்றும் தென் கொரியா ஆகிய நாடுகள் முதல் மூன்று இடங்களைக் கைப்பற்றியுள்ளன. சீனா மொத்தம் 341 பதக்கங்களும், ஜப்பான் 269 பதக்கங்களும் மற்றும் தென் கொரியா 150 பதக்கங்களும் பெற்றுள்ளன. இந்தியா கடந்த ஆண்டில் பெற்ற பதக்கங்களை விட இந்த ஆண்டு பதினைந்து பதக்கங்கள் குறைவாகப் பெற்றுள்ளது சற்றே ஏமாற்றத்தை அளித்துள்ளது. இதனைப் பற்றி ஆராயப்போவதாக இந்திய விளையாட்டுத்துறை அறிக்கை அறிவித்துள்ளது. பல விளையாட்டு வீரர்களின் உடல்நிலை சரி இல்லாமல் போனதே இதற்கு காரணம் என்றும் கூறப்படுகின்றது.

இந்திய கிரிக்கெட் வீரர்களும் வீராங்கனைகளும் தங்கப் பதக்கம் வென்றது, மகளிர் தொடர் ஓட்டப்பந்தயத்தில் வித்யா ராமராஜ் இறுதியில் சீனாவை வென்று தங்கம் பெற்றது என்று இந்தியாவின் சாதனைகளை அடுக்கிக்கொண்டே செல்லலாம். கடைசி இரண்டு தினங்களில் மட்டும் பதினோரு தங்கப் பதக்கங்களை வென்று நான்காவது இடத்திற்கு இந்தியா முன்னேறியது. வில்வித்தை போட்டியில் அங்கிதா பகத், கும்கும் மோஹோத் மற்றும் கிருதி ஆகியோர் மகளிர் அணிகள் பிரிவில் இந்தியாவுக்கான முதல் ஆசிய விளையாட்டுப் போட்டி தங்கப் பதக்கத்தையும், கலப்பு அணிகள் பிரிவில் வெள்ளிப் பதக்கத்தையும் வென்றனர். கிரிக்கெட் மட்டுமல்லாது ஹாக்கி, கபடியிலும் இந்திய அணி தங்கம் தட்டிப் பறித்தது. ஆசிய விளையாட்டுப் போட்டிகளின் கோல்ஃப் பிரிவில் தனிநபர் தங்கப் பதக்கம் மற்றும் அணிக்கான வெள்ளிப் பதக்கம் வென்ற பிரணவியின் சாதனைகளை, டென்னிஸ் வீரரான லியாண்டர் பியர்ஸ் பாராட்டியிருக்கிறார்.

சீனா மற்றும் ஜப்பான் போன்ற நாடுகள் ஆதிக்கம் செலுத்திய இப்போட்டியில், பல்வேறு சவால்களைக் கடந்து இந்திய வீரர், வீராங்கனைகள் வெளிப்படுத்திய இந்த விடாமுயற்சி வரவிருக்கும் லாஸ் ஏஞ்சல்ஸ் ஒலிம்பிக் போட்டிக்கு மிகப்பெரிய நம்பிக்கையை அளித்துள்ளது. ஒலிம்பிக்கிலும் நாம் கால் தடம் பதிக்கும் நாள் வெகு தொலைவில் இல்லை!