தமிழ்நாட்டில் கும்பகோணம் மற்றும் அதைச் சுற்றியுள்ள பகுதிகளில் நவகிரகம் என்று அழைக்கப்படும் ஒன்பது கோள்களைக் குறிக்கும் தெய்வங்களுக்கான கோயில்கள்
அமைந்துள்ளன. இதில் ஒவ்வொரு கோயிலிலும் அந்தந்தக் கிரகத்திற்குரிய சந்நிதி இருக்கும். இந்த கோயில்களுக்கு என தனித்தனியான புராண வரலாற்றுப் பின்னணி, ஆன்மீக பெருமைகள் உண்டு.
இந்த கோவில்களுக்குச் சென்று வழிபடுவதால், அவரவர் ஜாதகத்தில் உள்ள கிரக தோஷங்கள் குறையும் என்றும், வாழ்க்கையில் மேன்மேலும் நன்மைகள் ஏற்படும் என்றும் நம்பப்படுகிறது.

நவகிரகக் கோயில்கள் மற்றும் அவற்றின் பலன்கள்:

சூரியன்: சூரியனார் கோயில் (தஞ்சாவூர் மாவட்டம்)
இக்கோவிலில் குடிகொண்டுள்ள சூரியனாரை வழிபடுவதால் திருமணத் தடைகள் நீங்குதல், கல்வி, வேலைவாய்ப்பு, தொழில் முன்னேற்றம், கண், இதய நோய்கள் குணமடைதல், சத்ரு தோஷங்கள், பித்ரு தோஷங்கள், புத்திர தோஷங்கள் நீங்குதல், சூரிய தசை, புத்தி தோஷங்கள் நிவர்த்தி, புகழ், செல்வம், மகிழ்ச்சி பெருகும்; அரசியல் வெற்றி, அரசு வேலை கிடைக்கும்; முன்னோர்களின் பாவங்கள் நீங்கும்; முக்கியமாக, நவக்கிரக தோஷங்கள் நீங்கி, நல்ல வாழ்க்கை அமையும்

சந்திரன்: திங்களூர் (கையிலாசநாதர் கோயில்) (தஞ்சாவூர் மாவட்டம்)
திங்களூர் சந்திர பகவான் கோவிலுக்குச் செல்வதால் மன அமைதி, உணர்ச்சி சமநிலை, மன அழுத்தம் மற்றும் குழப்பங்களில் இருந்து நிவாரணம், சந்திர தோஷங்கள் நீங்குதல், திருமணம், குழந்தை பாக்கியம், செல்வம், ஆரோக்கியம், மகிழ்ச்சி மற்றும் நல்வாழ்வு போன்ற பலன்கள் கிடைக்கும், மேலும் இது நவகிரக வழிபாட்டின் முக்கிய ஸ்தலமாகும். திங்கள் கிழமைகளில் வழிபடுவது சிறப்பு,

அங்காரகன் (செவ்வாய்): வைத்தீஸ்வரன் கோயில் (மயிலாடுதுறை மாவட்டம்)
இங்குள்ள அங்காரகனை வணங்குபவருக்குச் செவ்வாய் தோஷம் நீங்குதல், திருமண யோகம் கைகூடுதல், தைரியம், வீரம், உடல்நலக் கோளாறுகள் (குறிப்பாகத் தோல் நோய்கள்) நீங்கி ஆரோக்கியம் பெறுதல், மன அமைதி, தொழில் மற்றும் பொருள் வசதி, குழந்தை பாக்கியம் ஆகியவை கிட்டும். இங்குள்ள சித்தாமிர்த தீர்த்தத்தில் நீராடி, அங்காரகன் சன்னதியில் வழிபடுவது சிறப்பு.

புதன்: திருவெண்காடு (சுவேதாரண்யேஸ்வரர் கோயில்) (மயிலாடுதுறை மாவட்டம்)
திருவெண்காடு புதன் பகவான் தலமாக விளங்குவதால், இங்கு வழிபடுபவர்களுக்குக் கல்வி, ஞானம், புத்திசாலித்தனம், பேச்சுத்திறன், கலை மற்றும் மருத்துவத் துறைகளில் சிறப்பான பலன்கள் கிடைக்கும்; புதன் தோஷங்கள் நீங்கும், நரம்புத் தளர்ச்சி, மனச்சோர்வு, மலட்டுத்தன்மை போன்ற பிரச்சனைகள் தீர்ந்து, தொழில், வியாபாரத்தில் வளர்ச்சி உண்டாகும். குறிப்பாக, 17 தீபங்கள் ஏற்றி 17 முறை சுற்றி வழிபடுவது புதன் திசை நடப்பவர்களுக்கு நற்பலன்களைத் தரும்.

குரு: (அபத் சகாயேஸ்வரர் கோயில்) (திருவாரூர் மாவட்டம்)
இங்குத் தட்சிணாமூர்த்தி எழுந்தருளியுள்ளார். இக்கோயிலுக்குச் சென்று வழிபடுவதால் குருவின் நல்லாசி, தடை நீக்கம், ஞானம், கல்வி, திருமணம், உத்தியோக உயர்வு, செல்வச் செழிப்பு, மனத் தெளிவு, நோய் நிவாரணம், சந்தான பாக்கியம், நீண்ட ஆயுள் கிடைக்கும்; முக்கியமாக குருப் பெயர்ச்சி மற்றும் வியாழக்கிழமைகளில் வழிபடுவது சிறந்தது.

சுக்கிரன்: கஞ்சனூர் (அக்னீஸ்வரர் கோயில்) (தஞ்சாவூர் மாவட்டம்)
சிவன் பார்வதி திருமணக் காட்சியைப் பிரம்மா இத்தலத்திலிருந்து கண்டார். திருமணத் தாமதங்கள் நீங்கி, நல்ல துணை அமையும்; காதல், குடும்ப உறவுகளில் இணக்கம் ஏற்படும், செல்வ வளம் பெருகும், கலைத் திறமைகள் மேம்படும். மேலும் சுக்கிரனால் ஏற்படும் தோஷங்கள் நீங்கி, மன நிம்மதி, மகிழ்ச்சி கிடைக்கும்,

சனி: திருநள்ளாறு (தர்பாரண்யேஸ்வரர் கோயில்) (புதுச்சேரி யூனியன் பிரதேசம், காரைக்கால் மாவட்டம்)
திருநள்ளாறு சனி பகவான் கோயிலுக்குச் செல்வதன் முக்கிய பலன்கள் சனி தோஷங்கள் நீங்கும், ஏழரைச் சனி, அஷ்டமச் சனி காலங்களில் ஏற்படும் பாதிப்புகள் குறைந்து நிம்மதி பிறக்கும், நோய்கள் நீங்கி ஆரோக்கியம் பெருகி நீண்ட ஆயுள் கிடைக்கும், கர்ம வினைகள் கரைந்து வாழ்வில் முன்னேற்றம் ஏற்படும், இங்குள்ள நள தீர்த்தத்தில் நீராடுவது பாவங்களை நீக்கும் என்பது ஐதீகம்.

ராகு: திருநாகேஸ்வரம் (நாகநாத சுவாமி கோயில்) (தஞ்சாவூர் மாவட்டம்)
திருநாகேஸ்வரம் ராகு கோவில் வழிபடுவதால், ராகுவால் ஏற்படும் திருமணத் தாமதம், குழந்தை பாக்கியமின்மை, களத்திர தோஷம், கால சர்ப்ப தோஷம், மன நோய்கள், சர்ப்ப தோஷம் போன்ற பிரச்சனைகள் நீங்கி, செல்வம், தொழில், வெளிநாட்டுப் பயணங்கள், ஆரோக்கியம், மன அமைதி, மற்றும் ராஜ யோக பலன்கள் கிடைக்கும். குறிப்பாக, ராகு காலத்தில் பால் அபிஷேகம் செய்வது மிகுந்த பலன்களைத் தரும், அப்போது பால் நீல நிறமாக மாறும் என்பது சிறப்பு.

கேது: கீழ்ப்பெரும்பள்ளம் (நாகநாத சுவாமி கோயில்) (மயிலாடுதுறை மாவட்டம்)

கீழப்பெரும்பள்ளம் கேது கோவில், கேது தோஷம், நாக தோஷம், கால சர்ப்ப தோஷம் மற்றும் திருமணத் தடைகள் நீங்க, ஞானம், செல்வம் பெருக, வாழ்க்கைப் பிரச்சனைகள் நீங்க மிகவும் விசேஷமான தலமாகும்; இங்கு கேது பகவானை வழிபட்டால், கேதுவின் கெட்ட பலன்கள் குறைந்து, நல்லருள் கிடைத்து, தடைகள் நீங்கி, வறுமை, பகைமை, உடல்நலக்குறைவுகள் நீங்கி நன்மை உண்டாகும்.

இந்தக் கோயில்கள் அனைத்தும் சோழர் காலத்தில் கட்டப்பட்ட சிவன் கோயில்களாகும், அதில் நவக்கிரகங்களுக்கு என தனிச்சந்நிதி அமைந்திருக்கும்.
சூரியனார் கோயிலில் சூரிய பகவானுக்கு மட்டுமே முழுமையாக அர்ப்பணிக்கப்பட்டுள்ளது. இது சூரியனுக்குரிய சிறப்புமிக்க கோயில். இங்கு மற்ற கிரகங்களுக்கும் தனிச் சந்நிதிகள் உள்ளன.
ஒவ்வொரு கிரகத்திற்கும் உரிய நிறம், மலர், பிரீதிப் பொருள் ஆகியவற்றை வைத்து வழிபடுவது சிறப்பு.
இந்த ஒன்பது கோயில்களையும் சரியான திட்டமிடலுடன் சென்றால், ஒரே நாளில் தரிசித்து வர முடியும். நவகிரகங்களையும் ஒரே நாளில் தரிசிக்கத் தமிழ்நாடு அரசுப் போக்குவரத்துக் கழகம் சிறப்புப் பேருந்து சேவைகளை வழங்குகின்றன.

மீண்டும் அடுத்த வாரம் நலம் தரும் நவகிரக நாயகர்களுடன் தொடர்வோம்….