மத்திய பட்ஜெட் ஃபஸ்ட் க்ளாஸாகவே இருக்கிறது" என்ற தனது கருத்துடன் இணைகிறார் நமது B.ரமணகுமார், M.Com, FCA, LLB ,இதோ பட்ஜெட் பற்றிய அவரது கண்ணோட்ட தொகுப்பு.

இந்தியப் பொருளாதாரம் சரியான பாதையில், ஒளிமயமான எதிர்காலத்தை நோக்கிச் செல்கிறது. சர்வதேச நாணய நிதியம் (IMF), “உலகிலேயே வேகமாக வளரும் பொருளாதாரமாக, மிக பிரகாசமாக ஒளிரும் நட்சத்திரமாக இந்தியா இருக்கிறது என்று கூறியுள்ளது மத்திய அரசின் நிதி நிலைமை ஆளும் திறனுக்கு கிடைத்த ஒரு ஷொட்டு எனலாம்.

இந்த பாராட்டு, உலகில் வளர்ந்த நாடுகளே இந்த கொரோனா தொற்றுநோய் ஆண்ட கெட்ட காலத்திலிருந்து விடுபடமுடியாமல் இன்றளவும் தடுமாறுகையில், தொற்றுநோய்க்கு உள்நாட்டிலயே தடுப்பூசியும் கண்டுபிடித்து இன்று வரை சுமார் 120 கோடி மக்களுக்கு அதனை இலவசமாயும் கொடுத்து, கடந்த 28 மாதங்களாக ஏழை மக்களுக்கு இலவச உணவுப் பொருட்களைக் கொடுத்து வந்துள்ளது என்பது நாட்டின் நிதி நிலையில் ஒரு பெரிய செலவினம் தான். இந்த இலவச உணவு வழங்கல் இன்னும் ஒரு ஆண்டுக்கு நீட்டிக்க இந்த பட்ஜெட்டில் தனது உரையில் மத்திய நிதியமைச்சர் திருமதி நிர்மலா சீதாராமன் கூறியுள்ளதை கவனிக்க வேண்டும்.

மேற்கூறிய சூழ்நிலையில் இந்த பட்ஜெட் வருவதை நாம் புரிந்து கொள்ளுதல் அவசியம்.

மத்தியதர வர்க்கத்தினரின் முயற்சிகள், கடின உழைப்பு மற்றும் நிலைத்தன்மை ஆகியவற்றை அங்கீகரித்து அவர்களுக்கு வருமான வரியில் நல்ல பலன்கள் அளிக்கப்பட்டுள்ளன. வரி செலுத்துவோர் மற்றும் பொருளாதாரத்திற்கு ஒரு பெரிய ஊக்கமாக, புதிய வரி ஆட்சியின் கீழ் வரி அடுக்குகளில் பெரிய மாற்றங்களை நிதியமைச்சர் அறிவித்துள்ளார்.

வருமான வரி சட்டம் ஷரத்து 80C மற்றும் இதர முதலீடுகள்/செலவினங்கள் தொடர்பான விலக்குகள் அதிகரிக்கவில்லை என்ற புகார் எழுந்த வண்ணம் இருக்கிறது வரி செலுத்துவோருக்கு, வரிவிலக்குகள் இல்லாத புதிய வரி ஆட்சிக்கு மாற்றும் முயற்சியில் முதலீடுகள்/செலவினங்கள் அடிப்படையிலான விலக்குகள் வழங்கக்கூடியதை விட அதிகமாக வழங்கியுள்ளது தான் இங்கு ஹைலைட்டே.

இது வரி செலுத்துவோருக்கு அதிக செலவழிப்பு வருமானத்தை (purchasing power) அளிக்கிறது. மேலும், இது அவர்களுக்கு அதை எவ்விதம் கைய்யாளலாம் என்ற சுதந்திரமும் அளிக்கின்றதே.

மற்ற அனைத்து சர்வதேச அதிகார வரம்புகளைப் (international jurisdictions) போலவே, காப்பீடு, சேமிப்பு என்பது அவரவர் தனிப்பட்ட விருப்பம். எவ்வாறாயினும், சேமிப்பே முதல் செலவீனமாக இன்று வரை கருதப்பட்டு வரும் இந்தியாவிலும் இது நிச்சயமாக பொது குடிமகனால் கவனிக்கப்படும்.

இந்த அரசு ஒரு தொலை நோக்கு பார்வையில் திட்டங்களும் செயல்களையும் செய்து வருவது கண்கூடாகத் தெரிகிறது. அதன் இலக்கே வரும் 25 ஆண்டுகளில் இந்தியா ஒரு வல்லரசாக வேண்டும் என்பதே. அதன் அடிப்படையிலேயே தான் மானியங்களின் அடிப்படையில் பொது குடிமகனுக்குக் கிடைக்கும் செலவழிப்பு வருமானத்தை (purchasing power) புதிய வரி ஆட்சியின் மூலம் அளிக்க வருகிறது. இதன் மூலம் பொது மக்களுக்கு அவரவர் தனது விருப்பத்திற்கேற்ற செலவிலங்களைச் செய்வதோ அல்லது சேமிப்பதோ செய்யும் சுதந்திரம் அளிக்கப்படுவதைத் தவறாமல் புரிந்துகொள்ளவேண்டும்.

மற்றொரு முக்கிய அம்சம், உள்கட்டமைப்பு மற்றும் ரயில்வேக்கான ஒதுக்கீடு அதிகரிப்பு ஆகும். இந்த இரண்டு துறைகளும் நேரடியாக நாட்டில் வேலைவாய்ப்பு மற்றும் பிற வாய்ப்புகளை உருவாக்குகின்றன, மேலும் நீண்ட கால நன்மைகள் மற்றும் குறுகிய கால நன்மைகள் இந்தத் துறைகளில் அதிகரித்த செலவினங்களால் அடையப்படுகின்றன. மேலும், மற்ற அனைத்து துறைகளிலும், துணைத் துறைகளிலும், பொருளாதாரத்தில் ஒட்டுமொத்த பண சுழற்சியிலும் ஒரு தொடர் முயற்சிகள் இருக்கும்.

அம்ரித் கால் என்பது இந்தியாவின் சுதந்திரத்தின் நூற்றாண்டுக்கு வழிவகுக்கும் அடுத்த 25 ஆண்டுகளை (2047 வரை) குறிக்கிறது. இந்த காலகட்டத்தை நரேந்திர மோடி அரசு, இந்தியாவை வளர்ந்த நாடாக மாற்ற பாடுபடும் காலகட்டமாக முன்னிறுத்தியுள்ளது.

ஏழு முன்னுரிமைகளைப் (சப்த ரிஷி) பற்றி நிதியமைச்சர் பேசியது மிகவும் குறிப்பிடவேண்டியவையே.

1. உள்ளடக்கிய வளர்ச்சி: அனைத்து துறைகளிலும், இணைத் துறைகளிலும் மற்றும் அனைத்து பகுதிகளிலும் ஒட்டுமொத்த தேசத்தின் ஒட்டுமொத்த வளர்ச்சியை அரசாங்கம் நோக்கமாகக் கொண்டுள்ளது. பாரபட்சமின்றி நாட்டின் அனைத்து புவியியல் பகுதிகளையும் மேம்படுத்த அரசு முயல்கிறது. காஷ்மீருக்கு 35 ஆயிரம் கோடியாகவும், லடாக்கிற்கு 5 ஆயிரம் கோடியாகவும் பெரிய உத்வேகம் உள்ளது இந்த பாதையில் வகுக்கப்பட்டிருக்கும் செலவினங்களே.
2. இறுதி மைலை அடைதல் (last mile connectivity): குறிப்பிட்ட ராஜ்ஜியத்தில் நிரூபிக்கப்பட்ட கடைசி மைல் இணைப்பின் வெற்றியைக் கருத்தில் கொண்டு, அதை நாடு முழுவதும் மற்றும் அனைத்து அம்சங்களிலும் கொண்டு வர அரசாங்கம் முயல்கிறது.
3. உள்கட்டமைப்பு மற்றும் முதலீடு: வேலைவாய்ப்பை உருவாக்க இதைப் பயன்படுத்துதல் மற்றும் மேலே விவரிக்கப்பட்ட அடுக்கு விளைவு(cascading effect)@.
4. திறனை கட்டவிழ்த்து விடுதல்: வெளிநாட்டில் நிரூபிக்கப்பட்டு வரும் இந்திய திறன், உள்நாட்டிலும் பயன்படுத்தப்பட முற்படுகிறது. உலகில் சிறந்தவர்களாக இருப்பதற்கான வழிகள், வாய்ப்புகள் மற்றும் சாத்தியக்கூறுகள் இங்கே தேடப்படுகின்றன. ஒரு உதாரணம், சில ஆண்டுகளுக்கு முன்பு வரை இந்தியா ஆயுத இறக்குமதியாளராக இருந்தது. தற்போது, மேக் இன் இண்டியா, ஆதமனிர்பர் திட்டங்களின் கீழ் உலகெங்கிலும் இந்திய ஆயுதங்கள் மற்றும் வெடிமருந்துகளின் ஏற்றுமதி மனதைக் கவரும் உள்ளது என்பதை அறிந்து கொள்ளுங்கள்.
5. பசுமை வளர்ச்சி: கார்பன் உமிழ்வு தடுப்பில் இந்தியா முன்னணியில் இருப்பதால், இந்த பகுதியில் இந்திய தொழில்துறை வேகமாக வளர்ச்சியடையும் என்ற ஒரு பெரிய சாத்தியம் உள்ளது, மேலும் அரசாங்கம் அதை முழு வேகத்தில் ஊக்குவிக்க முயல்கிறது. பசுமைக் கடன் திட்டம் சுற்றுச்சூழல் பாதுகாப்புச் சட்டத்தின் கீழ் அறிவிக்கப்படும். 19,700 கோடி ரூபாய் செலவில் தேசிய பசுமை ஹைட்ரஜன் திட்டம் பொருளாதாரத்தை குறைந்த கார்பன் தீவிரத்திற்கு மாற்றவும், புதைபடிவ எரிபொருள் இறக்குமதியைச் சார்ந்திருப்பதைக் குறைக்கவும், தொழில்நுட்பம் மற்றும் சந்தையின் தலைமைத்துவத்தை நாடு ஏற்கவும் உதவும்.
6. இளைஞர் சக்தி: இளைஞர்கள் மிகுந்த தேசமாக இருப்பதால், இந்திய இளைஞர்களை வளர்ச்சிப் பாதையில் செலுத்தவும், தங்களுக்கும் தேசத்துக்கும் சேவை செய்யவும் பட்ஜெட் முயல்கிறது. சர்வதேச வாய்ப்புகளைப் பெற இளைஞர்களுக்கு திறன் அளிக்கும் வகையில், பல்வேறு மாநிலங்களில் 30 ஸ்கில் இந்தியா சர்வதேச மையங்கள் அமைக்கப்படும். மேலும் ஒரு இந்திய தேசிய தொழிற்பயிற்சி ஊக்குவிப்புத் திட்டம் மாணவர்களுக்கு வழங்கப்பட உள்ளது
7. நிதித்துறை: இணை நிதித்துறை (the parallel financial sector) கடந்த 30 வருடங்களாக இந்தியப் பொருளாதாரத்தின் ஒரு இன்றியமையாத அடையாளமாக இருந்தது. நிதித் துறை சீர்திருத்தங்கள், பத்திரச் சந்தையை வலுப்படுத்துதல் மற்றும் தொடர்பான பிற சீர்திருத்தங்கள் உலகச் சந்தைக்கு ஈடாக போட்டியிடுவது காலத்தின் தேவையாகும், மேலும் இந்தியப் பொருளாதாரத்திற்கும் அதை வழங்குவதற்கு அரசாங்கம் உறுதிபூண்டுள்ளது.

முடிவாக, எப்போதும் பொது மக்களின் எதிர்பார்ப்பு போல பல உறுதியான குறுகிய கால பலன்கள் இந்த பட்ஜெட்டில் இல்லதுபோனாலும், ஆனால் வரவு செலவுத் திட்டம் கண்ணுக்குத் தெரியாத பலன்களை வழங்குகிறது என்பதே உண்மை. இது வரும் ஆண்டுகளில் சராசரி இந்தியரின் வாழ்க்கைத் தரத்தை அதிகரிக்கும். இதுவே பட்ஜெட்டின் சிறந்த பகுதியாகும்.

சில ஆண்டுகளுக்கு முன்பு உறுதியளித்தபடி, இந்தியா நிச்சயமாக எதிர்காலத்தில் 5 டிரில்லியன் டாலர் பொருளாதாரமாக உருவெடுக்கும் பாதையில் உள்ளது மற்றும் இந்த ஆண்டு பட்ஜெட் நிச்சயமாக அதை நோக்கிய ஒரு படியேயாகும்.

இந்தியா முழுவதற்கும் வீட்டில் பயன்படும் எல்பிஜி சிலிண்டர் வரிவிதிப்பு குறையும் என்று இல்லத்தரசிகள் ஆவலுடன் இருந்தனர் எல்பிஜி சிலிண்டர் விலையை இந்த மத்திய பட்ஜெட்டில் குறைத்து இருந்தால் பல இல்லத்தரசிகளின் வயிற்றில் பால் வார்க்கப்பட்டிருக்கும் இப்போதும் நிதி அமைச்சர் மனது வைத்தால் எல்பிஜி இல்லத்தரசிகள் பயன்படுத்தும் விலையில் குறைப்பு செய்ய முடியுமா? என்ற கேள்விக்கு,

"மானியங்கள் கொடுப்பதை விட புதிய வருமான வரி ஆட்சியின் மூலம் பொது மக்களின் செலவழிப்பு வருமானத்தை (purchasing power) உயர்த்தியிருப்பதே இந்த கேள்விக்கு விடை" என்று முடித்து விட்டார்.

நிதியமைச்சர் மனது வைத்தால் இதை இந்த பட்ஜெட்டிலேயே செய்யலாம்.

தேர்தல் காலம். எதுவும் சாத்தியமே.