2026 கண்பதி விழா கொண்டாட்டங்கள் வரும் செப்டம்பர் 14 திங்கட்கிழமை தொடங்கி செப்டம்பர் 25 வெள்ளிக்கிழமை முடியுது.

கண்பதி பப்பா மோர்யா மங்கல் மூர்த்தி மோர்யா கோஷம் தான் எங்குமே இங்கு ஒலிக்கும்.

12,000 சர்வஜனிக் கணேஷ் மண்டலிகள் பதிவு செய்யப்பட்டுள்ளன. பொது இடங்களில் அமைக்கப்படுவது இது. முன் பதிவு அவசியம்.

இது தவிர, பில்டிங்குகள், குடியிருப்புகளிலும் பொதுவென விநாயகர் சிலைகளை வைத்து கொண்டாடுவார்கள. தனித் தனியாக ஒவ்வொருவரின் குல வழக்கப்படி இல்லங்களிலும் ஒன்றரை நாள் எனத் தொடங்கி, ஒற்றைப்படை எண்ணிக்கையில் விநாயகர் சிலைகளை வரவேற்று அக்கம்பக்கத்தவர், உற்றார் உறவினர் நண்பர்கள் என கூடி கொண்டாடுவார்கள்.

ஐந்தாம் நாள் கௌரி விசர்ஜன் என்பது வெகு பிரசித்தம்.

இறுதி விசர்ஜன் என்னும் மண் விக்ரஹங்களை கரைக்கும் நாள் செப்டம்பர் 25 வெள்ளிக்கிழமை.

அனந்த் சதுர்தசி – விசர்ஜன் நாளுக்குப் பிறகு அந்தேரிச்சா ராஜா அனந்த் சதுர்தசி அன்று அல்லாமல், 29 செப்டம்பர் 2026 அன்று அடுத்த சங்கஷ்டி சதுர்த்தி அன்று கரைக்கப்படுகிறார்.

இந்த பெரிய பந்தல்களில் அனைத்துமே மக்கள் பார்வையிட கட்டணம் வசூலிப்பதில்லை. அதிகாலை முதல் நள்ளிரவு வரை தரிசனத்திற்கு அனுமதி உண்டு.

இந்த பந்தல்களை நிர்வகிக்க அந்த மண்டலிகளைச் சேர்ந்த அங்கத்தினர்கள் தத்தம் வேலைகளுக்கு லீவு கொடுத்துவிட்டு மக்கள சேவையில் ஈடுபடுவார்கள்.

இந்த காலத்தில் ட்ரெயினில் பயணிப்பதே உசிதம். இல்லையெனில், ஒரே ட்ராஃபிக்ஜாம் முழி பிதுங்க சொல்லி பிரயோஜனம் இல்லை.

இந்த ஆண்டில் மும்பையின் பன்னிரெண்டு பெரிய கணேஷ் பந்தல்கள் .

முதலாமவரை பாதம் தொட்டு தரிசனம் செய்யணும்னா சல்லீசா 18 மணி நேரம் மட்டும் தான் ஆகும். ஓக்கேன்னா. சரி. இல்லையெனில் முக தரிசனம் அஞ்சு மணி நேரத்துக்குள்ளார முடிச்சிக்கலாம்ங்க.

கிங்ஸ் சர்க்கிளில் உள்ள ஜி.எஸ்.பி சேவா மண்டல் அமைக்கும் கண்பதி தான் இந்தியாவின் பணக்கார கணபதி ஆகும். இந்த வருடம் இந்த அமைப்பை ₹703.27 கோடிக்கு காப்பீடு செய்துள்ளார்கள்.

கேத்வாடியில் 12-வது லேனில் உள்ள கேத்வாடிச்சா கண்ராஜ் 2000-ஆம் ஆண்டில் 40 அடி உயர சிலையை நிறுவியது – அதுவே அப்போது இந்தியாவின் மிக உயரமான சிலையாக இருந்தது – மேலும் 11-வது லேனின் மும்பைச்சா மகாராஜா 38 முதல் 42 அடி வரையிலான சிலைகளை நிறுவியுள்ளது. சமீபத்திய ஆண்டுகளில் 35 முதல் 40 அடி வரையிலான சிலைகள் நிறுவப்பட்டு வருகின்றன.

ஜூலை 2025-இல் மகாராஷ்டிரா அரசு கணேஷ் உற்சவம் ஒரு மாநில விழாவாக அங்கீகரித்துவிட்டது.

.BMC (மும்பை மாநகராட்சி) டிஜிட்டல் மயமாக்கப்பட்டுள்ளது. மண்டல்களுக்கான (விழாக் குழுக்கள்) அனுமதிகள் மற்றும் காவல் துறையின் தடையில்லாச் சான்றிதழ்களைப் (NOC) பெற இப்போது 'சிங்கிள்-விண்டோ' (ஒரே இடத்தில் அனைத்து சேவைகளும் கிடைக்கும்) இணையவழி முறை அமலில் உள்ளது. இது ஆகஸ்ட் 14 முதல் செப்டம்பர் 13, 2026 வரை செயல்படும்; இதில் மண்டல் தன்னார்வலர்களுக்குக் கூட்ட நெரிசல் பாதுகாப்பு குறித்த பயிற்சி கட்டாயமாக்கப்பட்டுள்ளது.

பிளாஸ்டர் ஆஃப் பாரிஸ் (PoP) சிலைகள் தொடர்பான விதிகள் இன்னும் நீதிமன்றத்தின் பரிசீலனையில் உள்ளன. செப்டம்பர் 1, 2026 நிலவரப்படி, PoP சிலைகளைத் தயாரிக்கவும் விற்கவும் அனுமதி உள்ளது; ஆனால் பம்பாய் உயர் நீதிமன்ற உத்தரவின்படி, 6 அடி வரையிலான சிலைகளை கடலில் கரைக்காமல் செயற்கைக் குளங்களில்தான் கரைக்க வேண்டும் (புதிய தீர்ப்பு இன்னும் வரவில்லை). 2025-இல் BMC 288 செயற்கைக் குளங்களை அமைத்திருந்தது (முன்பு 204 இருந்தன); மும்பையில் கரைக்கப்பட்ட சுமார் 2 லட்சம் சிலைகளில் 40% சிலைகள் இந்தக் குளங்களிலேயே கரைக்கப்பட்டன. செப்டம்பர் 14-க்கு முன் விதிகள் மாறக்கூடும் என்பதால், வீட்டில் உள்ள சிலையை கரைப்பதற்கு முன் விவரங்களைச் சரிபார்க்கவும்.

மெட்ரோ ரயில் பாதை 3 (Metro Line 3) இந்த விழாக் காலத்தின் முக்கியப் போக்குவரத்துப் பாதையாக அமைகிறது. கிர்கான், கிராண்ட் ரோடு, கல்பாதேவி, CSMT மற்றும் சித்திவிநாயகர் ஆகிய ரயில் நிலையங்கள் முக்கிய வழிபாட்டுப் பகுதிகளை இணைக்கின்றன; 2025-இல் அறிமுகப்படுத்தப்பட்ட நள்ளிரவு சேவை நீட்டிப்பு இந்த ஆண்டிற்கும் ஒரு முன்னுதாரணமாக அமைந்துள்ளது. 2026-ஆம் ஆண்டிற்கான நள்ளிரவு சேவை அறிவிப்பு வெளியானால், மாலை நேரத்தில் கேத்வாடி–கிர்கான் வழித்தடத்தில் பயணம் செய்வது முன்னெப்போதையும் விட எளிதாகிவிடும்.

விழாவின் நிறைவு நிகழ்வில் நீங்கள் கலந்துகொள்வதாக இருந்தால்: 2025-ஆம் ஆண்டு அனந்த சதுர்தசி அன்று கிர்கா(வ்)ன் சௌபாத்தி கடற்கரையில் சுமார் 20 லட்சம் மக்கள் கூடினர்; ஒரே நேரத்தில் அதிகபட்சமாக 4 லட்சம் பேர் இருந்தனர். இக்கூட்டம் முதன்முறையாக செயற்கை நுண்ணறிவு (AI) தொழில்நுட்பம் சார்ந்த கூட்ட நெரிசல் பகுப்பாய்வு முறை மூலம் நிர்வகிக்கப்பட்டது.