பொறுப்புத்துறப்பு:

நான் இதை எழுதுகையில் இருந்த கோவா காங்கிரஸின் நிலைமையை எடுத்துரைக்கிறேன் கீதை மீது சத்தியமாக. [ஏன்னா, அங்க சத்தியமா ஏதாவது மீது கைய்ய வெச்சி சொல்லணும். இல்லாட்டி, கோயில்ல சபதம் செய்யணும். 16.07.2022 விகடகவி இதழில் விலாவரியா சொல்லிவிட்டேன் இல்லையா?]

இதை நீங்கள் படிக்கையில் நிலமை உல்ட்டா வா போயியும் இருக்கலாம். போகாமலும் இருக்கலாம். அதற்கு அவர்களும் பொறுப்பல்ல நானும் பொறுப்பல்ல.

அங்கு நடக்கும் அரசியல் அப்பிடி. யார் யாரைத் தேடுறாங்கன்னேத் தெரியாது.

காங்கிரஸ் ச்சோடோ யாத்திரை தொடங்கியது: கோவாவில் 8 எம்.எல்.ஏ.க்கள் சபதத்தை மீறி பாஜகவுக்கு தாவியுள்ளனர்.

முன்னாள் முதல்வர் திகம்பர் காமத் உட்பட 8 காங்கிரஸ் எம்எல்ஏக்கள் சமீபத்தில் ஆளும் பாரதிய ஜனதா கட்சியில் இணைந்தனர். மைக்கேல் லோபோ, டெலிலா லோபோ, ராஜேஷ் பால்தேசாய், கேதார் நாயக், சங்கல்ப் அமோன்கர், அலெக்சோ செக்வேரா மற்றும் ருடால்ஃப் பெர்னாண்டஸ் ஆகியோர் தான் அந்த எட்டுப் பேர்.

படம்: செப்டம்பர் 14, 2022 அன்று பனாஜியில் கட்சியில் இணைந்த எட்டு காங்கிரஸ் எம்எல்ஏக்களுடன் கோவா முதல்வர் பிரமோத் சாவந்த்.

சட்டமன்றத் தேர்தலுக்குப் பிறகு மக்களுக்கும் கட்சிக்கும் விசுவாசமாக இருப்போம் என்று சபதம் மற்றும் சத்திய ப்ரமாண உறுதியளித்த எம்எல்ஏக்களின் தரப்பில் இது, "துரோகம் மற்றும் வெட்கமின்மையின் உச்சம்" என்றும், பாஜக வேட்டைக்கு காங்கிரஸ் பயப்படாது” காங்கிரஸ் கூறியது.

ஜனவரி மாதம், கோவாவில் உள்ள ஒரு கோவில், தேவாலயம் மற்றும் தர்காவில் தேர்தலுக்கு முன்னதாக விசுவாச உறுதிமொழி எடுத்தனர்.

உறுதிமொழி மீறல் குறித்து கேட்டதற்கு, பாஜகவில் சேருவதற்கு முன்பு மீண்டும் கோயிலுக்குச் சென்றதாக காமத் கூறினார்.

"நான் மீண்டும் கோவிலுக்குச் சென்று என்ன செய்வது என்று கடவுளிடம் கேட்டேன். உனக்கு எது நல்லதோ அதைச் செய் என்று கடவுள் என்னிடம் கூறினார்.

ஜூலை 2019 இல் இதேபோன்ற நடவடிக்கையில், 10 காங்கிரஸ் எம்எல்ஏக்கள் கோவாவில் பாஜகவுக்கு மாறினர். இந்த மாறி கட்சி தாவல் என்பது இங்கு சர்வ சகஜமப்பா. எஸ்வீ சேகரின், மஹாபாரதத்தில் மங்காத்தா ட்ராமாவில், யமலோகம் வரும் ஒரு எம் எல் ஏவை இவர் தாவாத கட்சியே இல்லை. காலை மதியம், மாலை இரவு, மறுநாள் காலை என தாவிக்கொண்டே இருப்பார். என்ன ஒண்ணு, அண்ணனுக்கு தான் இப்ப தான் எந்த கட்சியில இருக்கோம்னு யாறும் கேக்கக்கூடாது. இந்த டையலாக் இங்க செமையா பொறுந்தும்.

பிரதமர் நரேந்திர மோடி மற்றும் சாவந்தின் கரங்களை வலுப்படுத்தவே எம்எல்ஏக்கள் இந்த முடிவை எடுத்ததாக மைக்கேல் லோபோ கூறினார்.

கோவா எம்.எல்.ஏ.க்கள் எட்டு பேர் பாஜாகவுக்கு மாறியது ஆளுங்கட்சியின் 'ஆபரேஷன் கிச்சட் (சகதி)' இன் ஒரு பகுதியாகும் என்று காங்கிரஸ் குற்றம் சாட்டியது. எங்கள் தலைவரின் பாரத் ஜோடோ யாத்ராவின் வெளிப்படையான வெற்றியின் காரணமாக பாஜக பதற்றத்தில் உள்ளது," என்று காங்கிரஸ் பொதுச் செயலாளர் தகவல் தொடர்புகளுக்கு பொறுப்பான ஜெய்ராம் ரமேஷ் ட்வீட் செய்துள்ளார்.

யாத்திரையை குறைத்து மதிப்பிடுவதற்காக இந்த மாதிறியான தினசரி டோஸ் திசைதிருப்பல் மற்றும் தவறான தகவல்கள் வழங்கப்படுகின்றன. நாங்கள் தொடர்ந்து தயங்காமல் இருக்கிறோம். பாஜகவின் இந்த அழுக்கு தந்திரங்களை நாங்கள் முறியடிப்போம்" என்று காங்கிரஸின் பவன் கேரா கூறினார்.

பனாஜியில் நடைபெற்ற காங்கிரஸ் சட்டமன்றக் கட்சிக் கூட்டத்தில் இந்த எண்மர் தான் பாஜகவுடன் இணைவது குறித்து தீர்மானம் நிறைவேற்றப்பட்டது என்று லோபோ கூறினார். மற்ற மூன்று காங்கிரஸ் எம்.எல்.ஏ-க்கள் -- யூரி அலெமாவோ, அல்டோன் டி'கோஸ்டா மற்றும் கார்லோஸ் அல்வாரெஸ் ஃபெரேரா -- தீர்மானம் நிறைவேற்றப்பட்டபோது அவையில் இல்லை.

8 காங்கிரஸ் எம்எல்ஏக்கள் நிபந்தனையின்றி பாஜகவில் இணைந்துள்ளனர் என்று கூறிய சாவந்த் கோவாவில் இருந்து "காங்கிரஸ் ச்சோடோ யாத்திரை" தொடங்கியுள்ளது என்றும் கூறினார்

படம்: வலமிருந்து இரண்டாவது இடத்தில் உள்ள காங்கிரஸ் எம்எல்ஏ கார்லோஸ் அல்வாரெஸ் ஃபெரீரா, கோவா காங்கிரஸ் தலைவர் அமித் பட்கர், இடமிருந்து இரண்டாவது, கட்சி எம்எல்ஏக்கள் யூரி அலெமாவோ, இடதுபுறம் மற்றும் ஆல்டோன் டி'கோஸ்டா ஆகியோர் செப்டம்பர் 14, 2022 அன்று செய்தியாளர்களிடம் பேசுகிறார்கள்.

நான் விற்பனை செய்யும் பொருள் அல்ல என்பது பாஜகவுக்குத் தெரியும் எங்கிறார், முப்பத்தேழு வயதான யூரி அலெமாவோ

கோவா காங்கிரஸ் எம்எல்ஏக்களில் 11 பேரில் 8 பேர் பாஜகவுடன் இணையும் தருவாயில் இருக்கும்போது, ​​உங்களை காங்கிரஸுடன் வேரூன்றி வைத்திருப்பது எது? என்ற கேள்விக்கு

இது எங்களுக்கு அர்ப்பணிப்பு மற்றும் நெறிமுறைகளின் விஷயம். காங்கிரஸின் சித்தாந்தம் மற்றும் அடிப்படை நெறிமுறைகளை நாங்கள் நம்புகிறோம். ஐந்தாண்டுகளாக காங்கிரஸ் கட்சி சார்பில் எங்களைத் தேர்ந்தெடுத்த வாக்காளர்களுக்கு நாங்கள் கடமைப்பட்டுள்ளோம்.

கோவாவின் வாக்காளர்கள் எங்களில் 11 பேரை காங்கிரஸார்களாகத் தேர்ந்தெடுத்தனர், ஏனென்றால் நாங்கள் சட்டமன்றத்தில் அவர்களின் நலன்களைப் பிரதிநிதித்துவப்படுத்துவோம் என்றும் பாஜகவுக்கு ஆக்கபூர்வமான எதிர்க்கட்சியாகச் செயல்படுவோம் என்றும் அவர்கள் நினைத்தார்கள்.

நாங்கள் ஒரே இரவில் கட்சியிலிருந்து விலகி, சுயநலத்திற்காக வேறு கட்சியுடன் இணைவதற்காக அவர்கள் எங்களைத் தேர்ந்தெடுக்கவில்லை.

நாங்கள் அனைவரும் (இன்னும் காங்கிரஸுடன் இருக்கும் மூன்று எம்எல்ஏக்கள்) ஒன்றாக இருக்கிறோம், நாங்கள் எங்கள் கட்சிக்கும் எங்கள் வாக்காளர்களுக்கும் விசுவாசமாக இருப்போம்.

தற்போது நாங்கள் காங்கிரஸ் கட்சியுடன்தான் இருப்போம் என்றும், வாக்காளர்களின் உணர்வுக்கு மதிப்பளிக்க அனைவரும் முடிவு செய்துள்ளோம். ஜனநாயக நாட்டில் மக்களின் தீர்ப்பே உச்சமானது, அவர்களின் ஆணையை மதிப்போம்.

பாஜகவில் சேருவதற்காக எட்டு காங்கிரஸ் எம்எல்ஏக்களுக்கும் தலா ரூ.40 கோடி முதல் ரூ.50 கோடி வரை கொடுக்கப்பட்டதாகக் கேள்விப்படுகிறோமே, பிஜேபியால் உங்களுக்கு இதுபோன்ற சலுகை அளிக்கப்பட்டதா? என்ற கேள்விக்கு

அதிக விலைக்கு ஏலம் எடுப்பவருக்கு விற்கப்படும் ஒரு பொருள் நான் இல்லை என்பதை அவர்கள் அறிந்ததால் யாரும் (பாஜகவைச் சேர்ந்த) என்னை தொடர்பு கொள்ளவில்லை. நாங்கள் காங்கிரஸின் விசுவாசிகளாக அறியப்பட்டவர்கள், தொடர்ந்து அப்படியே இருப்போம்.

40 பேர் கொண்ட ஒரு அவையில் 28 எம்எல்ஏக்களைக் கொண்டிருக்கும் பாஜகவுக்கு மூன்று காங்கிரஸ் எம்எல்ஏக்கள் என்ன வகையான எதிர்ப்பை வழங்குவார்கள்? என்றதற்கு

நான் தனியாக இருந்தாலும், கோவா மக்களுக்கு எதிராக பாஜக அரசு செயல்பட்டால் கடும் நடவடிக்கை எடுப்பதை உறுதி செய்வேன். கண்டிப்பாக, நாங்கள் மூவரும் உழைத்து, கோவா மக்களின் நலன்கள் கவனிக்கப்படுவதை உறுதி செய்வோம்.

எம்.எல்.ஏ.க்கள் வருவார்கள், போவார்கள், ஆனால் மதிப்புகள் அப்படியே இருக்கின்றன.

நாங்கள் 137 ஆண்டுகள் பழமையான கட்சி, பாஜக அரசுக்கு எதிரான ஆக்கப்பூர்வமான எதிர்ப்பின் மூலம் மாநிலத்தில் அதிகமான மக்களின் நம்பிக்கையைப் பெறுவதற்கு நாங்கள் இப்போது கடினமாக உழைப்போம் என்று சூளுரைத்தார்.

'காங்கிரஸின் கொள்கைகள் மற்றும் சித்தாந்தங்களில் பெருமைப்படுகிறேன் என்று கூறுகிறார் 55 வயதான வழக்கறிஞர் கார்லோஸ் அல்வாரெஸ் ஃபெரீரா,

கே : உங்களை இன்னும் காங்கிரஸுடன் வைத்திருப்பது எது?

எனது அர்ப்பணிப்பு, எனது சித்தாந்தம் மற்றும் எனது வாக்காளர்களுக்கு எனது உத்தரவாதம்.

கே : பாஜக உங்களுக்கு ஏதாவது ஆஃபர் அளித்ததா?

(மனதாகச் சிரிக்கிறார்) எப்படியிருந்தாலும், அது கடந்த காலம், பந்தயக் கோட்டைத் தாண்டியவர்கள் போய்விட்டார்கள், அதுதான் உண்மை. சென்றவர்கள் குறித்து நான் கருத்து எதுவும் கூற விரும்பவில்லை.

பாஜக உங்களுக்கு பணம் கொடுக்க முன் வந்ததா என்று வினவியதற்கு

நீங்கள் கேட்பது எனக்குப் புரிகிறது, ஆனால் நான் அதைத் திசைதிருப்ப விரும்புகிறேன் (மீண்டும் மனதாரச் சிரிக்கிறார்).

இந்தியாவில் ஜனநாயகம் இப்படித்தான் செயல்பட வேண்டுமா? கோவாவில் எதிர்க்கட்சிகளுக்கு என்ன நடக்கிறது? உங்களில் மூவரால் மட்டுமே வலுவான மற்றும் ஆக்கபூர்வமான எதிர்க்கட்சியை வழங்க முடியுமா? என்ற கேள்வியைத் தொடுத்தபோது

அப்படியொரு நடவடிக்கை எடுக்கப்பட உள்ளதாக வதந்திகள் வந்தபோது, ​​தேவைப்பட்டால் கூட, நான் தனியாக இருப்பேன் என்று கூறியிருந்தேன்.

காங்கிரஸின் கொடியை மட்டும் பிடிப்பதில் எனக்கு கவலையில்லை, ஏனென்றால் எங்களுக்கு சில கொள்கைகள் உள்ளன, சில சித்தாந்தங்கள் உள்ளன, இரண்டிலும் நாங்கள் பெருமைப்படுகிறோம்.

நமது வாக்காளர்களை ஏமாற்ற முடியாது; அவர்களுக்கு ஒன்று உறுதியளித்துவிட்டு வளர்ச்சி என்ற பெயரில் பக்கம் மாறுங்கள்.

அவரே தொடர்கிறார்:

1992ல் இருந்து காங்கிரசில் இருந்தேன், கட்சிப்பிரிவுகளை பார்த்திருக்கிறேன், நாங்களும் கட்சித்தாவல் செய்துள்ளோம், இல்லை என்று சொல்ல முடியாது.

பதவி ஆசைக்காக கட்சித் தாவல்களைத் தடுக்கும் நோக்கத்தில் பத்தாவது அட்டவணை அறிமுகப்படுத்தப்பட்டது. உங்கள் விலகல் கொள்கை ரீதியான விலகல் என்றால், குறைந்தது இரண்டு வருடங்களுக்கு நீங்கள் எதையும் (அமைச்சகங்கள்) வெகுமதியாகப் பெறக்கூடாது என்று நான் கூறுவேன். நீங்கள் கடந்து சென்று வெகுமதி பெறுகிறீர்கள் என்றால், அது லஞ்சத்தைத் தவிர வேறேதையும் குறிப்பதில்லை. அதுதான் எனது ஆதங்கம்.

பாஜக உங்களுக்கு பணம் கொடுக்க முன் வந்தனரா என்று மூன்றாம் முறையாக கேள்வியை முன் வைத்தபோது, மனமாற சிரித்துக்கொண்டே, எனது பதில் உங்களுக்குத் தெரியும் என்று மழுப்பிவிட்டார்.

அவசர செய்தி: பாத யாத்திரை எர்ணாகுளம் அடைய அங்குள்ள காங்கிரஸ் தலைவர் பாஜகவில் இணந்தார்.