மக்கள் பார்வையில் கம்பர்

குலோத்துங்கச் சோழனுக்கும்
கம்பருக்கும் மனக்கசப்பு உண்டானது
தன்னை மதிக்காத சோழன் மீது
மனம் வெறுத்து கம்பர்

மன்னவனும் நீயோ வளநாடும்
உன்னதோ உன்னை அறிந்தோ
தமிழை ஓதினேன் என்னை
விரைந்தேற்றுக்கொள்ளாத வேந்துண்டோ
உண்டோ குரங்கெற்றுக்கொள்ளாத கொம்பு
என்று பாடி சோழநாட்டை விட்டு
வெளியேறினார்

இதன் உட் பொருள்

இந்த உலகில் நீ ஒருவன் தான் மன்னனோ
உன் நாடு மட்டும் தான் வளமையான
நாடா
உன்னை நம்பியா நான் தமிழைத் தந்தேன்
என்னை ஏற்றுக்கொள்ளாத நாடுண்டோ
குரங்கை ஏற்றுக்கொள்ளாத
மரக்கிளை உண்டா
என்கிறார் கம்பர்

இச் சமயத்தில் தோள் பாரம்
தாங்கும் தோழனாய்
நலம் காக்கும் நாயகனாய்த்
தவமாய் வந்த வரமாய் அனைத்து
உதவிகளையும் செய்தவர்

திருவெண்ணெய் நல்லூர்
சடையப்ப வள்ளல்

நன்றி மறப்பது நன்றன்று
குறள் நெறியாய்
நன்றிக்கு வித்தாகும் நல்லொழுக்க
நன்றியாய்

கம்பராமாயணத்தில் ஆயிரம்
பாடல்களில் ஒரு பாடல் வீதம்
புகழ்ந்து பாடியுள்ளார்

பாலகாண்டத்தின் அவையடக்க
பாடலில் உரைக்கின்றார்

நடையின் நின்று உயர் நாயகன் தோற்றத்தின்
இடை நிகழ்ந்த இராமாவதாரப் பேர்த்
தொடை நிரம்பிய தோம் அறு மாக்கதை
சடையன் வெண்ணெய் நல்லூர்வயின் தத்ததே

நல்லொழுக்கத்தில் நின்று
உயர்ந்த இராமாவதாரத்தைக்
குறித்துப் புகழ் மிக்கதுமான
செய்யுள்கள் நிறைந்த
குற்றமற்ற சிறந்த இக்காப்பியம்
திருவெண்ணெய் நல்லூரில்
இயற்றப்பட்டது
என்பதே பாடலின் பொருள்

தம்மை ஆதரித்த வள்ளலாகிய
சடையப்பரைப் புகழ்ந்த
கவி கம்பரை போற்றுவோம்
மன மகிழ்ந்து பாராட்டுவோம்.

மீண்டும் சிந்திப்போம்...